Այսօր՝ 17 օգոստոսի 2017թ., Ժամանակը Երևանում՝ 00:00
1USD = 479.8AMD
1EUR = 534.5AMD
1RUB = 8.06AMD
Հայաստանի ֆուտբոլի Մ19 աղջիկների հավաքականն անցկացրել է ընկերական հանդիպումներ Թուրքիայում ձերբակալված ռուսաստանի քաղաքացին հրաժարվում է հայրենիք արտահանձվել Ավիատոմսերի թանկացումը Հայաստանում կապված է «պիկ սեզոնի» հետ. մեկնաբանություն պետական և մասնավոր հատ... Թրամփը իմաստուն Է համարել Գուամի շրջան հրթիռներ չարձակելու ԿԺԴՀ-ի որոշումը ՔԿ-ն ՀՔԾ է ուղարկել ԶԼՄ հրապարակման հիման վրա կատարված նախնական ուսումնասիրության նյութերը Հայուհուն արտաքսել են Նիդերլանդներից առանց երեխաների Հոդվածագրի մտացածին քաղաքական ենթադրություններն ուղղակի մեկնաբանության կարիք չունեն. բնապահպանության... Երևանի Բագրատունյաց-Արտաշիսյան և Արշակունյաց-Նժդեհի խաչմերուկներում երթևեկությունը կփոփոխվի ԳՖՀ-ի ԱԳ նախարարը խորհուրդ Է տվել չահաբեկել Մոսկվային Ջրափրկարարներն օգնություն են ցուցաբերել խեղդվող տղամարդուն
ԼՐԱՀՈՍ
Երևանի Բագրատունյաց-Արտաշիսյան և Արշակունյաց-Նժդեհի խաչմերուկներում երթևեկությունը կփոփոխվի ԳՖՀ-ի ԱԳ նախարարը խորհուրդ Է տվել չահաբեկել Մոսկվային Ջրափրկարարներն օգնություն են ցուցաբերել խեղդվող տղամարդուն Թուրքիայի արտգործնախարարն անդրադարձել է քրդական հանրաքվեին Մալաթիայում վաղը ջուր չի լինի Ռուսական օդանավն իրականացրել է տասնմեկերորդ թռիչքը Վախճանվել Է դերասանուհի Վերա Գլագոլեւան Ալեքսանդր Գրիգորյանը գլխավորեց Մոսկվայի «Արարատ»-ը Բրիտանացի խորհրդարանականները կվերանայեն Բիգ-Բենի վերականգնման պլանը Խոսրովի արգելոցում բռնկված հրդեհի հիմնական օջախները մարվել են Սկսվել է դասագրքերի բաշխման գործընթացը ԱՄՆ-ն կարգելի իր երկիր մտնել ՊՊԾ-ն գրաված անձանց, նրանց ընտանիքների անդամներին և աջակիցներին «Զվարթնոց»-ում դիտավորությամբ երկու ավտոմեքենայի վնաս հասցրած անձը բացահատվել է Թուրքիայում փրկել են նավակով Ռուսաստան գնացող Ռումինիայի քաղաքացուն Բարեկարգվել է Տառերի պուրակին հարող ճանապարհահատվածը Գարեգին Բ կաթողիկոսի անունից Մինսկի և Զասլավլի միտրոպոլիտ Պավելը հրավիրվել է Հայաստան Լուսատուները փոխարինվել են Մոսկվայի օդակայանում հայ է մահացել Գերմանիայում են հայտնվել ինսեկտիցիդով վարակված ավելի քան 28 միլիոն հավկիթ «Ելք»-ը ցանկանում է անարգել տեսակցել կալանավորներին Երկրի կրթության ցածր մակարդակը չբացահայտելու համար Ադրբեջանը դուրս է եկել ՊԻԶԱ ծրագրից Լեւոն Ալթունյանը հանդիպել է Արարատի մարզի առողջապահության կազմակերպիչների հետ Ավարտվել է ուսանողին սպանելու դեպքի առթիվ հարուցված քրեական գործի նախաքննությունը Ադրբեջանից հում նավթի արտահանումը նվազել է 40 տոկոսով Ֆինանսների նախարարությունը սահմանել է թանկարժեք մետաղների պետական գնման և բացթողնման գները Հայաստանը կարող է կամուրջ դառնալ Իրանի և ԵԱՏՄ-ի միջև. տնտեսագետ Ադրբեջանի իշխանությունները անկախ մամուլին ճնշելու համար շարունակում են ֆիսկալ մեխանիզմներ կիրառել Վահրամ Բաղդասարյանը հերքել է Արդվիում հանքի հետ իր առնչության մասին լուրերը Բասկետբոլի հավաքականի մարզիչը` Շվեդիայի դեմ առաջիկա խաղի մասին ՀՀ գլխավոր դատախազը հանձնարարել է նյութեր նախապատրաստել փաստաբան Արայիկ Պապիկյանի հասցեին սպառնալիքների մասին հայտարարությունների հիման վրա Մինսկի խումբը շարունակում է ջանքեր գործադրել Հայաստանի և Ադրբեջանի նախագահների հանդիպում կազմակերպելու ուղղությամբ Գիտնականները բացատրել են «Գահերի խաղը» սերիալի ժողովրդականության գաղտնիքը Այսօր կեսօրից հետո սևծովյան ցիկլոնը կհզորանա 10 լավագույն վայրերը՝ միայնակ ճամփորդելու համար (ֆոտոշարք) ԱՄՆ-ը 2009 թվականից հետո առաջին անգամ Եգիպտոսի հետ համատեղ զորավարժություններ կանցկացնի «Խոսրովի անտառ» արգելոցում բռնկված հրդեհից հիմնականում տուժել են չթռչող միջատներն ու սողունները Զինծառայողին վիրավորանք հասցնելու համար հետախուզվող անձը ներկայացել է ոստիկանություն Արցախի վարչապետը դիմավորել է ոչ պաշտոնական այցով Արցախ ժամանած ՀՀ վարչապետ Կարեն Կարապետյանին Արտավանի հրդեհը մարվել է Թուրք գործիչը խոստովանում է, որ իրենց համար ծանր հարված էր Տեխասի կողմից Հայոց ցեղասպանության ճանաչումը Ֆուտբոլի Հայաստանի Մ17 հավաքականը կանցկացնի ընկերական հանդիպումներ Հայաստանում սեպտեմբերի 18-ի աշխատանքային օրը կտեղափոխվի սեպտեմբերի 23-ը Պրեմիերիա. Luke Combs - When It Rains It Pours Լոռու մարզում հրշեջ-գնացքի միջոցով հրդեհ է մարվել Ջեսիկա Չեսթեյնը և Իդրիս Էլբան՝«Մոլիի խաղը» ֆիլմի թրեյլերում. ՏԵՍԱՆՅՈՒԹ Խոսրովի արգելոցի 16 կմ պարագծով հրդեհից չեզոքացվել է 13.5 կիլոմետրը Հայաստանում կրկին 3 բալ ուժգնությամբ երկրաշարժ է գրանցվել Արտերկրում հանդես եկող 16 ֆուտբոլիստ հրավիրվել է ազգային հավաքական. նրանց թվում է Սարգիս Ադամյանը Երևանյան փողոցի տեսախցիկը ֆիքսել է մեքենա փախցնելու պահը Թուրքիայում հատուկ գործողությունների ժամանակ 12 ՔԱԿ անդամներ են ձերբակալվել Մեկ օրում գրանցված մարմնական վնասվածք հասցնելու 17 դեպքից բացահայտվել է 16-ը ՈՒԵՖԱ-ն ներկայացրել է նախորդ մրցաշրջանի լավագույն ֆուտբոլիստի երեք հավակնորդներին Երևան-Սևան ավտոճանապարհին կրակոցներ են հնչել Ֆրանսիայի և Թուրքիայի նախագահները հեռախոսազրույց են ունեցել Երեկոյան կինոդիտում. Ռեքվիեմ երազանքի համար ԿԲ խորհուրդը որոշել է անփոփոխ թողնել վերաֆինանսավորման տոկոսադրույքը՝ 6 տոկոս Վայոց ձորում բռնկված հրդեհի հետևանքով այրվել է 320 հա անտառածածկ տարածք. այն գրեթե ամբողջությամբ մեկուսացվել է Կարեն Կարապետյանն արձակուրդն անցկացնում է Արցախում Նախագահ Սերժ Սարգսյանը շնորհավորական ուղերձ է հղել Հնդկաստանի Նախագահին Հրաչյա Հարությունյանի՝ ՌԴ-ի դատավճիռը Հայաստանում ճանաչելու վերաբերյալ դատական նիստ է նշանակվել Պիտեր Դինկլեյջը՝ «Վերհուշ» ֆիլմի առաջին թրեյլերում. ՏԵՍԱՆՅՈՒԹ «Խոսրովի անտառ»-ում շուրջ 200 հա գիհի ծառատեսակներ են այրվել. հայտնի է վնասի նախնական չափը Արոնյան – Կասպարով. երկար սպասված շախմատային պարտիա «Արևիկ» ազգային պարկում հակառակորդի կրակահերթից բռնկված հրդեհը հանգցվել է Պրեմիերա. Neck Deep - In Bloom Ադրբեջանի բյուջեում 354,9 մլն մանաթի ճեղքվածք է առաջացել Խոսրովի արգելոցի սահմաններում այրվել է 360 հա մակերեսով անտառ. ՌԴ ԱԻՆ «ԻԼ-76» ինքնաթիռը պատրաստվում է 5-րդ թռիչքին Պաշտոնատար անձանց կողմից խոշտանգում կատարելու փաստերով հարուցվել են քրեական գործեր Լավագույն դիրքապահը. Սամվել Խաչատրյան Մարալիկում բարձրորակ ջինսեր կարտադրեն Ժամկետային զինծառայողի մահվան դեպքի առթիվ հարուցվել է քրեական գործ Նախագահի մոտ տեղի է ունեցել խորհրդակցություն հրդեհների պատճառով առաջացած արտակարգ իրավիճակի վերաբերյալ Մանկահասակ երեխայի մահը վրա է հասել մեխանիկական շնչահեղձությունից. ՔԿ ԵԱՏՄ երկրների ֆուտբոլիստները Հայաստանում լեգեոներ չեն համարվի Երգչուհի Ալլա Լևոնյանը դիմել է ոստիկանություն Գրենական պիտույքներ՝ հարժիսցի երեխաներին Հրդեհը վնաս է հասցրել թե´ հարյուրամյա ծառերին, թե´ կենդանական աշխարհին. Արծվիկ Մինասյան ԿԳ նախարարը պարգևատրել է պատանի բասկետբոլիստներին Հրաչիկ Ալթունյանը զննել է առարկան, որի ժամանակ էլ պայթյուն է տեղի ունեցել.ՔԿ Գյուլը չի մասնակցել իշխող կուսակցության 16-ամյակի միջոցառմանը
Հարցում

Երկաթուղայինի օրը վերածվեց եռատոնի

Ամեն տարվա օգոստոսի առաջին կիրակի օրը մի շարք նախկին խորհրդային երկրներում նշվում է Երկաթուղայինի օրը:
Տոնի կապակցությամբ երեկ երկաթուղային կայարանում էին հավաքվել այդ ոլորտի աշխատակիցները՝ օր առաջ նշելու իրենց մասնագիտական օրը: Դասական կենդանի երաժշտություն, Ռուսաստանից ժամանած հյուրեր, ջերմ հյուրասիրություն, շնորհավորանքներ ու բարեմաղթանքներ: Այսպիսի մթնոլորտում անցավ միջոցառումը, որի ընթացքում պատվոգրեր, շնորհակալագրեր ու պարգեւներ հանձնվեցին երկաթգծում իրենց ավանդը ներդրած եւ այս տարի իրենց եռանդով աչքի ընկած աշխատակիցներին՝ կապի, տրանսպորտի եւ տեղեկատվական տեխնոլոգիաների, արտակարգ իրավիճակների նախարարների եւ «Հարավկովկասյան երկաթուղի» ընկերության անունից:

Երկաթգծի թանգարանի տնօրեն ՆԻԿՈՂԱՅՈՍ ԱԼԵՔՍԱՆԴՐ ՏԵՐ-ԿԱՐԱՊԵՏՅԱՆԻ տեղեկացմամբ՝ այս տարի Հայաստանում այդ նշանակալի օրը համընկել է եւս երկու հիշարժան հոբելյանների՝ Ջաջուռի թունելի կառուցման 120-ամյակի եւ երկաթգծի էլեկտրիֆիկացման 50-ամյակի հետ։
«Այսօր յուրահատուկ օր է մեզ համար: Նախ Այրում կայարանից մինչեւ Երասխ կայարան մեր բոլոր երկաթուղայինների համար այս կիրակի մասնագիտական տոն է: Բայց այս տարի տոնը համընկել է նաեւ այլ հոբելյանների հետ՝ 120 տարի առաջ ավարտվեց Ջաջուռի թունելի կառուցումը՝ յուրահատուկ կառույց, որի շնորհիվ արդեն 1902 թվականից սկսած գնացքները սկսեցին ժամանել Էրիվան կայարան:

Իսկ 50 տարի առաջ մենք սկսեցինք էլեկտրիֆիկացնել երկաթգիծը: Արդեն ԽՍՀՄ օրոք Սանկտ Պետերբուրգից՝ նախկին Լենինգրադից մինչեւ Սեւանի թերակղզի, մեր երկաթուղին էլեկտրիֆիկացվել էր եւ համարվում էր աշխարհում ամենաերկար էլեկտրիֆիկացված երկաթուղին»,¬ ասում է Տեր-Կարապետյանը:
Թանգարանի տնօրենը, որն իր կյանքի 40 տարիները նվիրել է հայկական երկաթուղում աշխատելուն, նախ մասնագիտանալով գնացք ընդունողի գործում, իսկ հետո ղեկավար պաշտոններ զբաղեցնելով, լավ է հասկանում երկաթգծի կարեւորությունը երկրի տնտեսության եւ անվտանգության, աշխարհի հետ կապ պահպանելու համար:
Ըստ նրա՝ միայն ոլորտի նվիրյալների շնորհիվ 1990-ականների շրջափակման տարիներին հնարավոր եղավ հայկական երկաթուղին զերծ պահել թալանից եւ հնարավորություն ստեղծել հետագայում վերագործարկել այն ու դարձնել երկրի տնտեսության հենասյուներից մեկը. «1990-ականներին, երբ Հայաստանում իրար հետեւից փակվեցին ու թալանվեցին գործարաններն ու արտադրամասերը, երկաթգիծն այն բացառիկ հիմնարկներից էր, որտեղ որեւէ բան չթալանվեց՝ երկաթուղային ռելսերը, վագոնները, լարերը, բոլորն անձեռնմխելի մնացին, մարդիկ ցածր աշխատավարձով կարողացան պահպանել այդ ամենը:

Ու թեեւ 1990-ականների շրջափակումից հետո գնացքները դադարեցին Հայաստանից մինչեւ Ռուսաստան հասնել, բայց մենք կարողացանք պահպանել դեպի Թբիլիսի ճանապարհը: Իսկ հետագայում նոր երթուղի ստեղծվեց՝ դեպի Փոթի, Բաթում, ինչի շնորհիվ հնարավոր դարձավ այդ ճանապարհով ուղեւորափոխադրումներ ապահովել: Այդ ճանապարհը մեզ համար տնտեսական կարեւոր նշանակութուն ունի»:
«Հարավկովկասյան երկաթուղի» ՓԲԸ գլխավոր տնօրեն ՍԵՐԳԵՅ ՎԱԼԿՈՆ, շնորհավորելով երկաթուղայիններին իրենց մասնագիտական տոնի կապակցությամբ, նշեց, որ «Հարավկովկասյան երկաթուղին», որը «Ռուսական երկաթուղիներ» ԲԲԸ-ի դուստր ընկերությունն է, երկար տարիներ է՝ ստանձնել է Հայաստանի երկաթուղային համակարգի կոնցեսիոն կառավարումը:

Համաձայն 2008 թ. փետրվարի 13-ին Երեւանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ եւս 10 տարի երկարացման հնարավորությամբ:

Եվ կառավարման ընթացքում ընկերությունը պարտաճանաչորեն կատարել է իր բոլոր պարտավորությունները. «Մեր ընկերությունը չի թերանում որպես կոնցեսիոներ կատարել իր ստանձնած պարտավորությունները՝ ամեն տարի մեծ ներդրումներ անելով ոլորտի զարգացման համար: Լինելով Հայաստանի երկաթուղային համակարգի կառավարիչ՝ ընկերությունը պարտավորվել է մինչեւ 2038 թվականը երկաթուղային ենթակառուցվածքի զարգացմանն ու արդիականացմանն ուղղել 174,5 մլրդ դրամ: 2008-2016 թթ. ՀԿԵ-ի ներդրումները կազմել են 107,2 մլրդ դրամ, որից 80,2 մլրդ դրամ ուղղվել է ենթակառուցվածքի արդիականացմանը, իսկ 26,9 մլրդ դրամ՝ շարժակազմի թարմացմանը:

Այս տարի ընկերության կողմից հայկական երկաթգծի ենթակառուցվածքների զարգացման համար կներդրվի եւս 5,4 մլն դոլար։ Նախատեսվում են նաեւ մի շարք միջոցառումներ՝ ըստ ծրագրի, որոնք նոր հնարավորություններ կստեղծեն երկաթուղու եւ դրանից օգտվողների համար եւ կնպաստեն Հայաստանի տնտեսության զարգացմանը:
«Հարավկովկասյան երկաթուղին» կշարունակի իր ակտիվ աշխատանքը Հայաստանում: Երկաթուղու առջեւ բազմաթիվ խնդիրներ են դրված՝ գնացքների անվտանգ երթեւեկության ապահովում, նոր բեռնափոխադրումների ներգրավում, ուղեւորների համար հարմարավետ պայմանների ստեղծում, բյուջեի եկամտային եւ ծախսային մասերի հաշվեկշռում, ռեսուրսների խնայողություն, կադրային ներուժի օպտիմալ օգտագործում եւ այլն»:

«Հարավկովկասյան երկաթուղու» շնորհիվ կառուցվել եւ շահագործման են հանձնվել երեք հիմնական երկաթուղային կամուրջներ, որոնք փոխարինել են դեռ 1898թ. կառուցված Հայաստանի ամենահին Զամանլուի, Սատանի եւ Քոբեր-Թումանյան հատվածում գտնվող կամուրջներին:
Նաեւ վերանորոգվել է 450,7 կմ գիծ, 70 սլաքային փոխադրիչ, 52 գծանց, 40 կամուրջ եւ այլ օբյեկտներ, փոխվել է 815,9 հազար կոճ, արդիականացվել Սանահինի մեքենայացված գծային կայանն ու ուղեմասը, վերանորոգվել Երեւանի, Գյումրիի եւ Վանաձորի կայարանների շենքերը: Ընկերությունը ձեռք էր բերել 60 վագոն, ճԾն3 10 ջերմաքարշ, Թխ-10 8 էլեկտրաքարշ, վերանորոգել 700 բեռնատար եւ 27 ուղեւորատար վագոն:
«Հարավկովկասյան երկաթուղու» հիմնական խոշոր ենթակառուցվածքային ծրագրերից մեկը Գյումրու լոկոմոտիվային եւ վագոնային դեպոների հիմնանորոգումն է, ինչը թույլ է տվել ձեւավորել Հայաստանում խոշորագույն եւ ժամանակակից մեքենաշինական համակարգերից մեկը: Դեպոների վերակառուցման շնորհիվ նաեւ վերականգնվել են արտադրամասերը՝ հագեցնելով դրանք ժամանակակից սարքավորումներով, ստեղծելով անվտանգ եւ հարմարավետ աշխատանքային պայմաններ եւ նոր արտադրամասեր:
Ընկերությունն արդեն իրականացնում է էլեկտրա- եւ ջերմաքարշերի վերանորոգում Հայաստանի տարածքում, ինչը հնարավորություն է տալիս մեծ գումարներ տնտեսել: 2014թ. դեկտեմբերի 25-ին Գյումրու լոկոմոտիվային դեպոյում շահագործման է հանձնվել վերջին 25 տարում Հայաստանի տարածքում ընթացիկ վերանորոգումն անցած առաջին էլեկտրաքարշը: Իսկ 2016 թվականի նոյեմբերի 7-ին շահագործման հանձնվեց Հայաստանի տարածքում վերանորոգումն անցած առաջին էլեկտրագնացքը:

Սերգեյ Վալկոն կարեւորում է ՀԿԵ-ում ուղեւորափոխադրումների եւ բեռնափոխադրումների ոլորտների զարգացումը: Ընկերության ներդրումների շնորհիվ այսօր հայկական երկաթգծում գործում է 2 ֆիրմային միջազգային գնացք` Երեւանից Թբիլիսի եւ Երեւանից Բաթում: Ըստ նրա՝ երկաթուղային ենթակառուցվածքի արդիականացման շնորհիվ 6 ժամով կրճատվել է Երեւան-Բաթում-Երեւան ուղերթում գործող «Արմենիա» ֆիրմային գնացքի երթեւեկության տեւողությունը:
Աշխատանքներ են տարվում նաեւ նոր ուղեւորահոսքեր ներգրավելու ուղղությամբ: Այդ նպատակով գործում է միջազգային տոմսերի վաճառքի ավտոմատացված համակարգ, որի շնորհիվ մեկ տոմսի ձեւակերպման ժամանակը 10 րոպեից կրճատվել է մինչեւ 2 րոպե: Դա թույլ է տվել խուսափել հերթերից եւ մեծացնել տոմսերի վաճառքի ծավալները 30 տոկոսով: 2012 թվականից ուղեւորները հնարավորություն են ստացել միջազգային գնացքների տոմսերը գնել առցանց:

Հեղինակ՝ Թագուհի Ասլանյան

Հոդվածն ամբողջությամբ կարդացեք «Հայոց Աշխարհ» օրաթերթի Օգոստոսի 5-ի համարում

website by Sargssyan